pot decoratives

தேவையான பொருட்கள்:

எம்-சீல்(M-seal white)
கோல்ட் பவுடர்(gold powder -fevickryl)
அலுமினியகம்பி( wire)
ப்ரவுன் ஃப்ளோரல் டேப்(brown floral tape)
சோளமாவு(எம் சீல் கையில் ஒட்டாமல் இருப்பதற்கு)(corn flour)
ஸ்பாஞ்ச்(ஒன்றோடொன்ன்று ஒட்டாமல் காயவைப்பதற்கு)-sponge

செய்முறை:
முதலில் எம்சீலை நன்றாக கலந்துக்கொள்ளவும்,கைகளில் ஒட்டாமல் இருக்க அவ்வப்போது சோளமாவை தடவிக்கொள்ளவேண்டும். அலுமினிய கம்பிகளை நீளமாக 6,7 வெட்டிக்கொள்ள வேண்டும், சிறியதாக 20,25 வெட்டிகொள்ள வேண்டும். இப்பொழுது சிறியதாக வெட்டியுள்ளதில் எம் சீலை சிறு சிறு உருண்டைகளாக உருட்டி ஸ்பாஞ்சில் சொருகி காய விட வேண்டும். நன்றாக காய்ந்ததும்  கோல்ட் பவுடரை வார்னிஷில் கலந்து கலர் கொடுக்கவும் (அல்லது முதலில் கருப்பு ஃபேப்ரிக் கலர் அடித்து லேசாக ஆறவிட்டு கோல்ட் பவுடரை ப்ரஷின் உதவியால் தூவவும்). கோல்ட் கலர் அடித்து நன்றாக காய்ந்ததும்  பெரிய கம்பிகளில்  ப்ரவுன் ஃப்ளோரல் டேப்பால் இணைக்கவும். இப்பொழுது  பானையில் அடுக்கவும்.
அழகிய பூச்சாடி தயார்.

 

பானை அலங்காரம்- 5

பானைக்கு முதலில் கறுப்பு ஃபேப்ரிக் கலர் கொடுத்து காயவிடவேண்டும்.காய்ந்ததும் பிங்க் பியர்ல் கலர் கொடுத்து(தேவைப்பட்டால் மீடியம் சேர்த்துக்கொள்ளலாம்) ஜாயிண்ட் இடங்களைதவிர மீதி இடங்களில் அடித்து கொள்ளலாம். காயவிட்டு எடுத்து வைத்துக்கொள்ளவும். இப்பொழுது பானை ரெடி.

மேலும் இது மினியேச்சர் ரோஸ் என்பதால் சிறு விளக்கத்துடன்....
க்ளேவை 5 பாகமாக பிரித்து வைத்துக்கொள்ளவும். மேலும் இந்த 5 பாகத்தை ஒவ்வொரு பாகத்தையும் இரண்டாக பிரித்து சிவப்பு டார்க் மற்றும் லைட் ஷேட் கலர் கொடுத்து பிசைந்து வைத்துக்கொள்ளவும் இவ்வாறு மீதியுள்ள க்ளேவிற்கும் எந்த கலர் தேவையோ இரண்டு ஷேட் கலர் கொடுத்து ஸிப்லாக் கவரில் வைத்துகொள்ள வேண்டும்.
தேவைப்படும் போது எடுத்து ரோஜாப்பூக்கள் செய்துக்கொள்ளலாம்.
முதலில் சிறிது எடுத்து திலகம் போல் உருட்டி கொள்ள வேண்டும்.இன்னொரு சிறு உருண்டை எடுத்து தட்டையாக்கி அந்த திலகத்தின் மேல் ஒட்டினால் இதழ் போல் இருக்கும் இவ்வாறுஒன்ரின் மேல் ஒன்றாக ஒட்டிக்கொண்டே வரவேண்டும்.இப்படியே அனைத்து ரோஜாக்களும் செய்துக்கொள்ள வேண்டும்.

இப்பொழுது ஒவ்வொரு பானைக்கும் ஒரேகலரில் உள்ள ரோஜாக்களை 4,5 அடுக்கலாம்.
பார்ப்பதற்கு அழகான கண்ணைகவரும் பானை மற்றும் ரோஜாக்கள் ரெடி.

பானை அலங்காரம் 4

பானை அலங்காரம் 4
தேவையான பொருட்கள்:
மண்பானை 1
ஃபெவிக்கால்
டிஷ்யூ பேப்பர்
தண்ணீர்
கருப்பு(ஃபேப்ரிக் கலர்)
கோல்ட் டஸ்ட்
ப்ரஷ்

செய்முறை:
முதலில் ஃபெவிக்கால், தண்ணீர் (1:3) என்ற விகிதத்தில் கலந்து வைத்துகொள்ளவேண்டும்.
மண்பானையின் மேல் டிஷ்யூ பேப்பர் வைத்து இந்த ஃபெவிக்கால் கலவையை சிறிது சிறிதாக பூச வேண்டும்.
முதலில் பானை முழுவதும் ஒட்டி நன்றாக காய்ந்ததும், அடுத்த லேயரை ஒட்ட வேண்டும்.

இப்பொழுது இந்த லேயரும் காயவைக்க வேண்டும்.
இந்த லேயர் காய்வதற்குள், நம்க்கு தேவையான டிசைனில் பூக்கள் செய்து வைத்துக்கொள்ளலாம்.
எம்சீலை எடுத்து இரண்டு கலவையும் நன்றாக கலந்து சிறு சிறு உருண்டைகளாக உருட்டி அதை திலகம் போல் உருட்டி கத்தியில் நடுவில் கோடு போட்டால் பூக்களுக்கு இதழ்கள் ரெடி. இப்பொழுது சிறிது எடுத்து காம்பு,இலைகள் போண்றவற்றை செய்து வைத்துக்கொள்ள வேண்டும்.
இப்பொழுது பானையும் காய்ந்துவிட்டிருக்கும். இதன் மேல் செய்து வைத்திருக்கும் பூக்களை ஒட்ட வேண்டும். இவை நன்றாக காய்ந்ததும்,
ஃபேப்ரிக் கருப்பு கலரை கொஞ்சம் தண்ணீர் சேர்த்து கலந்து கலர் அடிக்க வேண்டும். லேசாக கலர் காய்ந்ததும் அங்கங்கே கோல்ட் டஸ்ட் தூவி டிஷ்யூ பேப்பரில் அனைத்து இடங்களுக்கும் ஒற்றி ஒற்றி எடுத்தால் அழகான கண்ணை கவரும் பானை ரெடி.பூக்களுக்கு மட்டும் நான் கோல்ட் கலர் கொடுத்திருக்கேன்.

potpainting3

பானை அலங்காரம் 3

தேவையான பொருட்கள்:
மண்பானை 1
சிவப்பு எனாமல் கலர் 50மில்லி
வார்னிஷ்
செராமிக்பவுடர்
ஃபெவிக்கால்
தண்ணீர்
பாலித்தீன் கவர்
கத்தரிக்கோல்
ரங்கோலி கலர் பவுடர்
கண்ணாடி உருண்டை வடிவம்
கோல்டன் கலர் 3டி அவுட்லைனர்.

செய்முறை:

முதலில் பானையை கழுவி காயவிடவும்
காய்ந்ததும் சிவப்பு எனாமல்கலர் அடித்து காய்ந்ததும் மறுபடி இன்னொரு கோட் அடிக்கவும் அப்பொழுதுதான் ஷைனிங்காக இருக்கும்.
பாலித்தீன் கவரை கோன்போல் செய்துக்கொள்ளவும்.
செராமிக்பவுடரில் தேவையான கலர்பவுடரை சேர்த்து ஃபெவிக்கால்விட்டு கலந்துகொள்ளவும் மேலும் பேஸ்ட் போல் வருவதற்கு தண்ணீர் சேர்த்து கலந்துக்கொள்ளவும்.
இதை கோனுக்கு மாற்றி டேப் போட்டு ஒட்டவும்.
கோனில் சிறு ஓட்டை போட்டு டிசைனை வரையலாம்.இந்த பானையில் முதலில் உருண்டை வடிவம் வரைந்து அதன் மேலும் கீழும் அவுட்லைன் போடவும், மேலும்
கற்பனைக்கு ஏற்றவாரு டிசைன் செய்து, ரவுன்ட் ஷேப்பில் கண்ணாடி பதித்து சுற்றி கோல்டன் க்ளிட்டர் கலரை அவுட்லைன் கொடுக்கவும்.
முழுவதும் முடிந்து காய்ந்ததும் வார்னிஷ் அடிக்கவும்.இதனால் இன்னும் ஷைனிங்காக இருக்கும்.

பானை அலங்காரம் 2

தேவையான பொருட்கள்:

மண்பானை 1
கறுப்பு எனாமல் கலர்
ப்ரஷ்
செராமிக் பவுடர்
பாலித்தீன் கவர்(கோன் செய்ய)
வார்னிஷ்
ஃபெவிக்கால்
தண்ணீர் சிறிது
வேஸ்ட் துணி

செய்முறை:

பானைக்கு கறுப்பு எனாமல் கலர் அடித்து காயவிடவும். செராமிக் பவுடரில் ஃபெவிகாலை சேர்த்து நன்றாக கலந்து சப்பாத்திமாவுபததிற்கு வந்ததும் தண்ணீர் சிறிதளவு சேர்த்து கலக்கவும் இப்பொழுது பாலித்தீன் கவரை கோன்போல் செய்த்துக்கொண்டு அதில் இந்த கலவையை ஊற்றி ரப்பர் பேண்ட் போட்டு கட்டவும். அல்லது பின் செய்து செல்லோடேப்பால் ஒட்டவும்.
பானை காய்ந்ததும் எனாமல் பெயின்ட் காய்ந்ததும் கோனை உபயோகப்படுத்தி நம் கற்பனைக்கு ஏற்றவாரு படத்தை வரைந்துகாய்ந்ததும் வார்னிஷ் அடித்து அலங்கரிக்கலாம்.

potpainting1

தேவையான பொருட்கள்:

கறுப்பு எனாமல் கலர் 50 மில்லிலிட்டர்(black enamel)
மெட்டாலிக் காப்பர் கலர்(metalic copper)
செல்லோ டேப்
ப்ரஷ் (flat)
வார்னிஷ்
செயற்கை பூக்கள் அலங்கரிப்பதற்க்கு

செய்முறை:

முதலில் பானைக்கு கறுப்பு எனாமல் கலரை அடிக்க வேண்டும்.
அதன் மேல் படத்தில் காட்டியபடி செல்லோ டேப்பை ஒட்ட வேன்டும்.
இப்பொழுது ஒட்டிய செல்லோ டேப்பின் மேலும் சுற்றியுள்ள இடங்களிலும் மெட்டாலிக் காப்பர் கலரை அடிக்க வேண்டும். 5 நிமிடம் காய்ந்ததும் ஒட்டிய செல்லோ டேப்பை எடுத்து விட்டால் அழகான பானை ரெடி.இறுதியாக வார்னிஷ் அடித்து காய்ந்ததும் செயற்கை பூக்களை அலங்கரிக்க வேண்டும்.ஒட்டிய இடத்தில் மட்டும் பெயின்ட் இல்லாமல் பார்ப்பதற்கு ரிச்லுக்காக இருக்கும்.